Қос құрлық қосылуға таяп қалды

Африка бірте-бірте Еуропаға қосылуға жақындап келеді. Еуропалық геофизиктер миллиондаған жыл ішінде Африканың тектоникалық плитасының солтүстік жағы Еуропа құрлығы плитасына кіріге бастағанын айтып отыр.
Бұл мәселе Геология ғылымдарының еуропалық одағы конференциясында тал­қыланды. Утрехт университеті зерттеу­шілерінің сөзіне қарағанда, солтүстікке жылжыған құрлықтың Еуропаға кірігуі салдарынан Жердің мантиясына қарай ойысуы да байқалған. Сондай-ақ Еуразия­лық плитаның оңтүстік жағы да Жерорта теңізі арқылы Африкаға қарай жылыстап келеді. Компьютерлік модельдеу әдісі бойынша бұл құбылыстың нәтижесінде суб­дукция аймағы, яғни мантияға қарай ойысқан аумақ пайда болатыны болжанып отыр. Ғалымдардың жуырдағы сейсмикалық бақылауының қоры­тындысы да осыған саяды. Бірақ мамандар Жерорта теңізі аумағында Тынық мұхитына қарағанда цунамиден қауіп аз дейді.