Тіршілікке қолайлы тағы бір ғаламшар бізден аса алыс емес

Жерден 20 жарық жылы қашықтықта орналасқан ғаламшарда өмір болуы мүмкін. Ғалымдар Gliese 581d аталатын аспан денесінде тіршілікке қолайлы барлық жағдай бар екенін анықтады.
Астрономдардың мәлі­метін­ше, бұл экзоғаламшар қаба­тында мұхит пен жаңбыр бар. Демек, өсімдік пен жануарлар әлемінің дамуына жағдай жасалған. Бірақ Gliese-дің ат­мосферасы адам ағзасына аса зиянды көміртегі қостотығына толы. Сол себепті оның аспаны қаракөк түсті. Ға­ламшарда ауыр­лық күші Жердегіге қарағанда екі есе көп. Дегенмен ком­пьютерлік талдау нәтижесі мұнда өзіндік өмір болуы мүмкін екенін көрсетіп отыр. «Gliese Жерге жақын ғаламшар ретінде бізді қатты қызықтырады. Телес­коптардың келешектегі түрлері арқылы біз одан тіршілік бел­гілерін іздеуді жалғастыратын боламыз», – дей­ді Париждегі Лаплас инс­ти­тутының докторы Робин Ворд­сворт. Естеріңізде болса, осы кезге дейін галак­тикамызда тір­шілікке қолайлы делінген 500 млн-ға жуық ғаламшардың бар екені анықталған еді. Жерге ұқсас аспан денесін пайдалану адамзаттың келешек ұрпағы үшін қажет.