Жүктілікке қарсы дәрілер талғамды өзгертеді екен

Жүктіліктен сақтайтын дәрі-дәрмектер әйелдердің ерлерге қатысты тал­­ға­мын өзгертеді. 18-24 жас аралығындағы қыз-келіншектер қатысқан зерттеудің нәтижесінде контрацептивтердің ерекше бір қасиеті белгілі бол­ды.
Мeddaily.ru порталының хабарлауын­ша, респондент әйелдер екі рет – гормон қолданғанға дейін және дәрі іше баста­ғаннан үш айдан соң тестілеуден өтті. Олар­ға ерлердің фотосуреттері көрсетіл­ді, қыз-келіншектер өздеріне ұнайтын типтерді, нағыз еркекке тән кескіндерді ажыратуы тиіс болды. Зерттеудің нәтиже­сі мынадай: жүктіліктен сақтайтын пре­парат қолданғанға дейін әйелдердің дені «нағыз еркек» деуге келетін типтерді таңдаған болса, контрацептив қолданып жүрген уақытта онша сымбатты емес, нәзік келген жігіттерге басымдық бергені аңғарылды. Ғалымдар жүктілікке қарсы препараттар қыз-келіншектердің ерлерге көзқарасын өзгерткен болуы мүмкін деген қорытынды жасап отыр.